Andre utdanningsinstitusjonar i Gol
Buskerud kvinnelege husflidsskule frå 1972 Buskerud Husflidsskule
I 1954 sette eigarane av Gol Trevarefabrikk opp ein bygning attmed fabrikken som dei skulle leiga bort til Buskerud kvinnelege husflidsskule. Då såg bygningen slik ut. Husflidskulen hadde sitt første elevkull skuleåret 1956/57. Det var to klassar, ein i saum og ein i vev. Departementet tilsette Kari Tryti 1914-2013 som styrar og vevlærarinne og Klara Bøyum, seinare Rust 1922-2004 som saumlærarinne. Skuleåret 1962/63 fekk skulen tre klassar og og ei ny lærarinne, Turid Gislerud, seinare Liodden 1928-2015. Dette krevde meir plass og eigarane bygde på ei høgd. Huset stod klar til skulestart hausten 1962. Buskerud Husflidskule utvida også klassetalet skuleåret 1977/78 med ein klasse. Denne gongen vart det ikkje utviding av eksisterande lokaler, men vevklassen flytta til eit leigd lokale i Samfunnshuset. Seinsommars 1980 flytta skulen frå Dalabakken til leigde lokaler i det nye LK-bygget. Frå nå av var Buskerud Husflidskule under same tak og det var rom for fleire klassar og skulen fekk tidsmessige romforhold for både elevar og personale.
Husflidsskulen vart i 1994 offisielt slege saman med Gol vidaregåande skule, og skulen var igjen på flyttefot. Rombehovet vart dekka opp ved å ta i bruk lokale i Samfunnshuset.
Hallingdal Folkehøgskule
Hallingdal folkehøgskule (Privat): Skulen tok over garden Skaga i 1958, som ligg i lia vestom Gol sentrum, og vart skipa i 1959. Folkehøgskulen er frilynt og er eigd av Hallingdal Høgskulelag.
Hallingdal Gymnas frå 1994 Gol vidaregåande skule 
Hallingdal gymnas, nå Gol vidaregåande skule (fylkeskommunal) ligg på Gol i same komplekset som Gol ungdomsskule og Gol samfunnshus. Skulen vart teken i bruk hausten 1965. Les om Hallingdal Gymnas her. Skulen har gjennomført to utvidingar. Den første i 1974/75 og den andre i 1998/99. 1975 utbygginga skuldast gymnasreforma som kravde meir romareal. 1999 utbygginga var eit resultat av at Nesbyen vidaregåande skule skulle leggjast ned og elevane måtte delast på Gol og Ål vidaregåande skular.
Campus Hallingdal
Campus Hallingdal vart opna den 21.08.2024.Då braka det laust i Gol sentrum. Den offisiell studieopning var utandørs og det var talar frå både lokale nøkkelpersonar og frå USN. Det musikalske innslaget sto Daniel Kvammen for. Det vart ein historisk dag. Det var mange som hadde gledd seg til dette, særleg blant dei lokale heltane og eldsjelene som har dratt dette i land saman med oss, sa Bing-Jonsson. Ho sa og at det er viktig at studentane får ein sosial og fin start på studietida i Hallingdal.
Leiar i Hallingdølen av 26. august 2024: Campus kom i rett tid.
Campus Hallingdal held til i Brannkassebygget i Gol som var eit nybygg i 1977. Etter 26 års bruk var det tid for renovering både ute og inne. Gjennomføringa skjedde i 2023/2024. Det er fortsatt Hallingdal Gjensidig Brannkasse som er eigar. Til å drifte det nye konseptet og den nye bygningsmassen er dotterselskapet Stim Work oppretta.
Det er i denne bygningen Universitetet i Sørøst-Norge (USN) leiger 130 kvadratmeter lokale av Stim Work. USN overtok lokala den 6. august. Allereie hausten 2024 skal 60 studieplassar fyllast på nye campus Hallingdal. Studentane har kunne velje mellom tre studieretningar: Grunnskolelærerutdannelse, IT og informasjonsvitenskap, og innovasjon og entreprenørskap, skriv USN. Frå før av tilbyr USN sjukepleiarutdanning på Torpomoen.
Hallingmoanlegget
Bildet må vera frå hausten 1993 eller våren 1994. Ein ser at det er planert og gjort klart for grunnmursarbeid på klubbhuset.
Hallingmoanlegget: Formanskapet godkjende planane i 1963. Hallingdal gymnaset starta opp i 1965. Gol ungdomskule starta opp i 1966. Biblioteket, Gol Folkeboksamling flytta frå kommunehuset (Tingstugu) til Hallingmo hausten 1966. Kari Schei var den første bibliotekaren i fellesbygget 1967. Men biblioteket vart fort for lite og alt i 1987 kunne ein ynskje golingane velkomne i nye lokale. Hausten 1968 vart fellesbygget teke i bruk. Du kan lesa om opninga av Hallingmoanlegget 28.september 1968 her og her.
Lysløypa: Den offisielle opninga av lysløypa på Hallingmo var i februar 1970. Men alt i desember 1969 vart det første skirennet avvikla. Då Tronderudvegen vart bygd ferdig våren 1978 fekk lysløypa to undergangar.
Skuleidrettsanlegget: Skuleidrettsanlegget som ligg aust for Samfunnshuset består av ei fotballbane og ei tennisbane. Framdrifte av utbygginga er avhengig av bevilgningar. Slik også her. Men hausten 1971 kunne fotballbana takast i bruk. I skuletida er det skulane som har førsteretten til bana, medan idrettslaget nyttar anlegget ettermiddag og helg. Rett før snøen kom i 2018 var ein ferdig med å leggja kunstgras på fotballbana. Offisiell opning i 2019. Leverandøren har bilder
Sentralidrettsanlegget: Det har i mange år vorte lagt ned mykje arbeidt for å få til eit kommunalt sentralidrettsanlegg på Hallingmo nord for Samfunnshuset. I desember 1979 var planane klare. Folket stilte opp med dugnadsinnsats. Tomta vart grave ut hausten 1981. I slutten av september i 1985 var arbeidet med kunstgras- og friidrettsbana på Hallingmo ferdig. Offisiell opning i september 1986. Anlegget har vore mykje brukt og i 2018 vart både kunstgrasbana og løpebanane rehabilitert.
Klubbhuset: Mykje av grunnarbeidet til klubbuset vart utført i 1993. Så starta bygginga sumaren 1994. Så vart det klubbhus i 1985. Levande dugnadsånd også i 1996.
