GOL SAMVIRKELAG flytta inn i tidsmessig forretningsgard 1929, Sentrumsvegen 10, 9/40 Alfheim.

I Gol vart det stifta samvirkeforening i mars 1920. Dei starta opp i krambua til H. Edv. Berg som slutta med kremmarhandel omkring 1912 og leigde lokala der til nybygget stod ferdig. Under planlegginga av nybygg vart det strid om bygget skulle vera oppe ved Heslabrua eller her ved Stasjonsbrua. Foreningen kjøpte tomt av Birgit Rust (Broheim) i 1927 ved Stasjonsbrua. I mars 1929 flytta laget inn i eit tidsmessig forretningsbygg. Handelen gjekk godt og det kom ynskje om ein filial ved Heslabrua. 1962 starta dei opp i Olsgardhuset og vart der i 10-12 år. Samvirkelaget held til ved stasjonsbrua fram til mars 1997 då dei flytta inn i Kremmartunet. I mellomtida hadde laget vore tilknytt Hallingdal S-lag og frå januar i 1997 Ringerike S-lag. A O Haug var styrar første året. Deretter Svein Kittelsland, Trond Fekene, Sverre Hamborg, Erling Eknes, Ragnar Horge (1966-1995) og til sist Kitil Myrvollen. Kitil vart med på lasset til Kremmartunet. Han har 26 års fartstid som handelsbetjent og var styrar frå 1995-1997. Svein Kittilsland dreiv samvirkelaget sin bensinstasjon etter at han slutta på Samvirkelaget.

SENTRUMSVEGEN 96. Historikk.  

Den første utbygginga kom i 1947. Byggmassen er pr. dato i grove trekk slik forretningsgården "Bjørnebråten Matsenter" Olav Bjørnebråten bygde i 1970. Olav selde forretningsgården 1981. Etter Gol Matsenter og andre drivarar flytta Skotten Lavpris hit i 1988 og dreiv til og med året 1991. (meir om Skotten)  Frå 1992 vart Skotten til Rimi. Men 1994 kunne ein lesa denne annonsa. Då vart Rimi til KIWI. Mai 2023 såg bygningen slik ut.