På Øygardane har det vore dagligvarehandel i 6 bygningar over eit langt tidsrom. 

Krambua til Knut Sørbøl1901-1913 (8 års driftstid)(B). Knut Knutson Sørbøl (1828-1933) starta krambu i nybygg 41/17 Gullhaug på Øygardane 1901 og dreiv til1913. Då leigde han krambua bort til A/S Ødegård handelslag. Eigedomen kom på sal i 1918 og handelslaget kjøpte Gullhaug av Sørbøl. 

Krambua Skogstad/Bjerkelund 1905-1935(B) Endre Aslakson Jondalen(L) (1889-1945) kjøpte eit stykke av Sorteberg, Skogstad(L) (47-20)(47-64) Hemsedalsvegen 509, som han bygde opp. Der starta han opp krambu som han dreiv nokre år. Han fekk skøyte på Skogstad i 1905. Same året skøyte han Skogstad vidare til broren Halvor d.y. Halvor åtte nokre år Skogstad (47-20), og dreiv krambu der. Halvor handla her visstnok til i 1909. Det året skøytte han Skogstad til Halvor Olsson Bleikfet for kr 2000. Dei hadde nok handla før, for And. Mehlum melder i «Nu» nr. 38, 1908, at Halvor O. Bleikfet hadde kjøpt «Landhandelen og bygningene» av Halvor Jondalen. Halvor Bleikfet var då på handelsskole i Kristiania og skulle overta når han var ferdig der, heiter det. Halvor Olsson Bleiktvedt (Bleikfet) f 1880 d 1964 g 1909 m Margit Julsdtr. Steinsrud f 1878 d 1967. Born: 1. Birgit Halvorsdtr. f 1910 d 1911. 2. Ole Halvorson f 1911 d 1960 g m Kari Olsdtr. Håvelmoen; eige hus, Broviik (48-73). Halvor handla frå 1909 til 1935. Då byrja sonen landhandel ved Robru. 1956 skøyte Halvor Skogstad og Skogstadremmen til sonen Ole for kr 5000 og livsure. 1970 vart bygnaden her skilt frå Skogstad, vart no kalla Bjerkelund (47-64), og vart selt til: Kari Knutsdtr. Bråten f 1887 d 1973, ug. Ågot Knutsdtr. Bråten f 1898 d 1982, ug. Dei hadde for dei kjøpte, leigd hus her. I 1983 vart Bjerkelund slege saman att med Skogstad og vart då selt til Kari og Engebret Berget.

Ødegård handelslag1918-1989 (72 års driftstid)(B)(Øygardane) Ødegård handelslag, eit aksjeselskap, vart skipa i 1913 og dei løyste handelsbrev same året. Først leigde dei lokale i krambua Gullhaug 41/17 til Knut Knutson Sørbøl på Øygardane. Gullhaug kom på sal i 1918 og handelslaget kjøpte eigedomen av Sørbøl. Ei tid hadde handelslaget i tillegg til Gullhaug, filial på Robru i ei leigd stugu(B). Med åra vart Robru sentrum på Øygardane og det vart bestemt å byggje nytt forretningsbygg her. Det kom i 1935 og då vart Gullhaug filial. Frå no av var Robru samvirkelag (landhandleri) avdeling I og Øygardane avdeling II. Av årsmøtereferata kan ein lesa at det har vore planar om nybygg over tid, når tida var lagleg heiter det. Alt i 1942 vart det gjort vedtak, det same så seint som i 1963, men nybygget har endå ikkje kome. Innvestering i kjøleroma(B) har og vore drøfta for i mai 1963 var det plan om å starte mjølkesal. Den første styraren var Ola Stensgård. Han og O Eidsgaard  fem år kvar. So var I.A. Bratland her i 15 år. Olaf Jordheim (1922-2008) var den siste som handla her på Gullhaug. Han kom hit i 1947 og var her til juni 1989, då var det kroken på døra. Dei 20 siste åra har han hatt ansvaret for drifta sjølv, men leigde lokala. Du kan lesa om jordheim her(B). Laget hadde 25-års jubileum 1939(B)

Bygdheim landhandel 1925-1982 (58 års drift)(B)(Øygardane) Ola Bjørnson Eidsgaard(B)(L) (1894-1976)(B) dreiv landhendel på Øygardo samtidig som han dreiv Bygdheim pensjonat(B). Staden vart driven som kombinert butikk og pensjonat til 1962 seier Bjørn i eit intervju med Hallingdølen 1977 og viser fram butikken etter utvidelsen samtidig som han formidlar korleis ein kan konkurere med dei store butikkane nede i Gol sentrum(B). Men i desember1982(B) var det kroken på døra. Søk i Hallingdølen viser at Bygdheim pensjonat var i drift til 1968. Der var det både bryllup og minnesamvær. 

Bleiktvedt landhandleri1934-1961 (27 års drift)(B) (Robru) Ola H. Bleiktvedt(B) byrja kjøpmannsforretning i nybygg på Robru 1934. Han vart styrar for Robru brevhus i 1947, som vart Robru postopneri i 1960. Ola døydde i 1960. Her kan du lesa minneorda etter han(B). Kari Bleiktvedt hadde sin siste annonse i Hallingdølen 27.05.1961(B) 

Robru landhandleriA/S 1935- i drift (til 2026 91års drift)(B).(Robru)  Eigedomen Bruflat(B) 48/71 vart utskild 1934. Eit forretningsbygg reiste seg, og i 1935 kunne den første styraren Bratland ynskje velkomen til "ein god handel" Litt historie: "Ødegård handelslag, eit aksjeselskap, vart skipa i 1913 og dei løyste handelsbrev same året. Først leigde dei lokale i krambua Gullhaug 41/17 til Knut Knutson Sørbøl på Øygardane. Gullhaug kom på sal i 1918 og handelslaget kjøpte eigedomen av Sørbøl. Ei tid hadde handelslaget i tillegg til Gullhaug, filial på Robru i ei leigd stugu(B)". 1934 kom samvirketanken på grunn av beskatning og kundeutbyte. I annonser frå 1952, 1957 og så seint som 1969 har namnet Robru samvirkelag vorte brukt.  Med åra vart Robru meir som eit sentrum på Øygardane og det vart bestemt å byggje nytt forretningsbygg her. Det kom i 1935 og då vart Gullhaug filial. Frå no av var Robru samvirkelag (landhandleri) avdeling I og Øygardane avdeling II. På årsmøtet 1963(B) vart det lagt vekt på at Robru Handelslag er eit reint privat andelsselskap som ikkje er tilslutta Norges Kooperative Landsforbund. Årsmøtet av 1978 stilte spørsmål om det var tid for å leiga forretninga bort. Frå 30. mars 1981(B) til og med 1988 var det Robru dagligvare A/S som styrte.  Frå i. november 1988 var det Robru Nærmat A/S(B) som reklamerte for varene sine. I mars 1998 kom Joker Robru(B) hit, og er her endå. Februar 2000 vart det  leiarskifte(B)(B) I 2025 vart Joker- butikken døgnopen(B).

Her er ei kronologisk oversikt over dei seks bygningane som har hysa daglegvarehandel på Øygardane og Robru. Denne historia strekkjer seg over 125 år, frå dei første krambuene i 1901 til dagens døgnopen butikk. 

1. Gullhaug (Gnr. 41, bnr. 17) – Øygardane Dette var den første faste handelsstaden i området. Periode: 1901–1989 (88 år med drift totalt). Drivarar: Starta av Knut Knutson Sørbøl (1901–1913). Deretter leigd ut til Ødegård handelslag (seinare avdeling II). Nøkkelinfo: Oppført som nybygg i 1901. Fungerte som hovudbutikk fram til 1935, då han vart filial under Robru. Olaf Jordheim var den siste som handla her (1947–1989).

2. Skogstad/Bjerkelund (Gnr. 47, bnr. 20/64) – Hemsedalsvegen 509 Ein tidleg konkurrent som låg sentralt plassert ved vegen. Periode: 1905–1935. (30 år med drift) Drivarar: Endre Aslakson Jondalen, Halvor Jondalen d.y., og lengst av Halvor Olsson Bleiktvedt (frå 1909). Nøkkelinfo: Bleiktvedt dreiv her i 26 år før sonen starta opp ny verksemd nede ved Robru i 1934.

3. "Leigde  stugu til Haugo" på Robru – Ødegård handelslag filial, før det vart bygt stort forretningsbygg på Robru, testa handelslaget marknaden i mindre lokale. Periode: 1925-1929 til fram til 1935. (Kona til styraren Bratland, Marthe styrde her.) Drivar: Ødegård handelslag. Nøkkelinfo: Fungerte som ein filial til Gullhaug i ei leigd stove, før verksemda vart samla i nybygget på Bruflat.

4. Bygdheim (Øygardane) Kombinert drift som var vanleg før i tida, der turisme og lokalhandel gjekk hand i hand. Periode: 1925–1982 (57 års drift) Drivar: Ola Bjørnson Eidsgaard. Nøkkelinfo: Vart driven parallelt med pensjonatdrift. Butikken heldt stand heilt til desember 1982, til trass for aukande konkurranse frå Gol sentrum.

5. Bleiktvedt landhandleri (Robru) Periode: 1934–1961. (27 års drift) Drivar: Ola H. Bleiktvedt (seinare Kari Bleiktvedt). Nøkkelinfo: Eit nytt forretningsbygg på Robru som også hysa posttenester (brevhus og postopneri). Verksemda vart avvikla i 1961 etter at Ola gjekk bort.

6. Bruflat (Gnr. 48, bnr. 71) – Robru (Noverande Joker) Dette bygget markerer overgangen til moderne drift og vart det nye tyngdepunktet for handelen i krinsen. Periode: 1935–I dag (91 års drift per 2026). Drivarar: Ødegård handelslag/Robru Samvirkelag, Robru Dagligvare AS, Robru Nærmat AS, og frå 1998 Joker Robru. Nøkkelinfo: Bygt i 1935. Har gått frå å vere eit privat andelslag til å bli ein moderne Joker-butikk som i 2025 vart døgnopen.