Bustaden er fordelt på to plan og har eit samla bruksareal (BRA) på 142,9 m². Dette er fordelt på 126,2 m² internt bruksareal (BRA-i) og 16,7 m² eksternt bruksareal (BRA-e). Inne i bustaden finn du 72,2 m² i første etasje, medan underetasjen består av 54 m² bueining og 16,7 m² eksternt areal. I tillegg har bustaden ei praktisk matbod på 5,4 m², men sidan takhøgda her er under 190 cm, er ho ikkje rekna som måleverdig areal. Det totale bruttoarealet (BTA) er på 175,8 m², noko som inkluderer ytterveggar, dei innvendige areala og ein stor og praktisk overbygd veranda på 20,95 m².
Alle areal er rekna ut i samsvar med den nye bransjenorma for arealmåling frå 2024.
98/13 er fri for konsesjon og buplikt. Vegen forbi Brubakken er kommunal og vinterbrøyta. Bustaden er knytt til det kommunale vassverket.
Vi har kalla hytta for Brubakken fordi den ligg nær brua over Tverrelvi på Tørvi og det er ein liten bakke opp hit. Tørvisvegen 70 vart bygd i 1980/81 med standard som bustadhus, men dette har vore hytta vår i 46 år. Hovudetasjen har vindfang, gang, stove/kjøken, toalett m utslagsvask og opplegg for vaskemaskin, og 2 soverom. Til saman 72,2 m². BRA-i. Pluss stor overbygd veranda på 20,95 m². Det er vedomn både oppe og nede. Underetasjen har gang, stove med opplegg for kjøken, 2 soverom, bad og matbod. Til saman 54 m² BRA-i. Garasjen er på 16,7 m². Det er dusj berre på badet i underetasjen. Alle romma oppe har granpanel i tak og vegger og grangolv. Nede er det panel på vegger i alle rom unntatt badet som har vannfaste malte plater på veggane. I himling malte s-plater. I soverom og stove er det malte s-plater i himling. Gang og trappeoppgang har også panel i himling. I stova oppe er det "open himling" og flat himling i dei andre romma. Panelen er ubehandla. Hausten 2022 oppdaga taksmann fukt i sokkeletasjen. Golva vart etter det rive og oppattbygde. Parketten vart skifta ut med laminat. Samtidig vart det greve rundt hytta og sikra mot vatn. Den gamle septiktanken vart fjerna mot ein ny. Vegen inn til garasjen vart utvida, steinsett og grusa. På oppsida er kome ein ny parkeringsplass med "rulatorstig" ned til hovudinngangen. På taket er det pappshingel som takstmann har gitt pålegg om å skifte av aldersgrense. Det same med plasttakennene. (B)(B)(B)(B)(B)(B) «Me bygde hytta for å kunne vera saman med den nære familien og utforske bre og fjell. Det har me gjort til gangs. Hytta har for oss nærast vore ein basecamp.
Frå Brubakken ser vi Joranger øvre og deler av Joranger nedre med Joranger kyrkje. Ein ser noko av Sviggaplassane og Lustrafjorden og ein kan sitja på den overbygde verandaen å følgje med på trafikken ved varden på Molden. Ein kan og fylgje med på krusskiptrafikken. Eit landemerke på desse kantar er Feigefossen. Ein tur opp til stølen Røyteholet har vore obligatorisk når me har vore på Brubakken. Derfrå er det kort veg opp til Lyngsetnipa og stølen Lyngsete. På Klebergseggi har me også vore jamleg. Det har og vore vanleg å gå opp til kremtoppen Molden, gjerne frå ulike startspunkt. Ved stabile værforhold har vi ofte trekt mot fjellområda Hurrongane, eller breheimen. Tungestølen er unik. Der kan du oppleva brefalla ved Austerdalsbreen og Langedalen. Etter slike turar har det vore fristande å lauga seg i Lustrabadet i Gaupne. Ved å kika på heimesida mi vil ein kunne få inspirasjon til turmål.
"Det vart sett inn nye vindauga i veke 17 2026".
«Draumar ein ber på: Det er alltid noko ein grublar på for å gjera kvardagen betre. Eg trur framleis at det hadde vore fint med ein platting framfor stova i underetasjen. For å få det til, må ein byta ut vindauget med ei dør. KI har hjelpt meg med å laga denne skissa. Om ein ynskjer det, lèt det seg gjera å sikra uteplassen mot regn.
Har òg tenkt at det skulle vore eit overbygg over trappa til hovudetasjen. Her vart KI-en litt vel ivrig med nye idear, tykkjer eg.»
«Martine, som er arkitekt og har vore mykje på hytta, har laga framlegg dersom ein vil måla. stova. snart»
Mange meiner at trefargen i romma bør behaldast, og heller fremjast ved val av møblar og anna interiør. Uansett kva ein ynskjer er det eit fortrinn at panelen er ubehandla, noko som gjer at ein i utgangspunktet står fritt når det gjeld eventuelle tiltak.
Salsprosessen er det Hedda Njøs Eiendomsmegler MNEF Eiendomsmegler Norge, avdeling Sogndal Mobil +47 947 86 772 hedda.njos@emvest.no www.eiendomsmeglernorge.no som tek seg av.
